Հոգեբան, հոգեթերապևտ, քոուչ, դասընթացավար, ավարտել է ԵՊՀ-ի փիլիսոփայության և հոգեբանության ֆակուլտետը, մասնագիտական գործունեությամբ մի քանի տարի զբաղվելուց հետո ավարտել է մագիստրատուրան՝ «Անձի հոգեբանություն և խորհրդատվություն» մասնագիտացմամբ: 2023 թ․-ից սովորում է Մոսկովյան գեշտալտ թերապիայի և խորհրդատվության «МИГТиК» ինստիտունում գեշտալտ թերապևտի որակավորում ստանալու նպատակով։ 2022 թվականին ավարտել է Erickson Coaching «The Art & Science of Coaching» դասընթացը իր բոլոր մուդուլներով (120 ժամ)։ Մասնակցել է և մասնակցում է բազմաթիվ մասնագիտական տեղական և միջազգային վերապատրաստումների և դասընթացների:
Շուրջ 15 տարի աշխատել է կրթական կառույցներում աշակերտների, ծնողների, ուսուցիչների և ադմինիստրացիայի հետ, ինչը մեծ փորձ է տվել հատկապես ախտորոշիչ, խորհրդատվական և լուսավորչական աշխատանքներում։ 2014թ-2022թթ հանդիսացել է «Շիրակացու ճեմարան» միջազգային գիտակրթական համալիրի» ավագ դպրոցի հոգեբանական ծառայության համակարգող:
2010-ից իրականացնում է հոգեբան-խորհրդատուի, այնուհետև հոգեթերապևտի մասնավոր պրակտիկա՝ համագործակցելով տարբեր հոգեբանական կենտրոնների հետ։ 2019 թվականից «Ծնողի դպրոց» ՀԿ-ում իրականացնում է տարբեր հոգեսոցիալական աջակցման ծրագրեր ծնողների, դեռահասների, երեխաների, մասնագետների հետ։ Շուրջ 10 տարի է իրականացնում է ավագ դպրոցականների մասնագիտական ինքնորոշման անհատական խորհրդատվություններ և խմբային դասընթացներ։
Վերջին տարիներին մշակել և իրականացրել է տարբեր ոչ ֆոռմալ կրթական ծրագրեր, դասընթացներ, սեմինարներ և վեբինարներ դեռահասների և մեծահասակների համար որպես դասընթացավար և վերապատրաստող՝ համագործակցելով տարբեր կազմակերպությունների հետ։ 2016 թվականից հանդիսանում է «Ֆինանսական կրթությունը դպրոցներում» ծրագրերի հոգեբան-փորձագետ:
Գիտական հոդվածների հեղինակ է, կրթական ձեռնարկների համահեղինակ: Գիտական հետաքրքրությունների թվում են մեծահասկների շարունակական կրթության հոգեբանական առանձնահատկությունները, գեշտալտ, էկզիստենիցիալ հոգեբանությունը, անձի արժեքային կողմնորոշիչները, իմաստի և կյանքի ռազմավարության հարցերը։
«Լիբրա» հոգեբանական աջակցության կենտրոնում իրականացնում է անհատական խորհրդատվություն և հոգեթերապիա դեռահասների և մեծահասակների հետ, առկա և առցանց, հայերեն և ռուսերեն լեզուներով։
Հավատացած է, որ յուրաքանչյուր մարդ ունի անսահմանափակ հնարավորություններ զարգանալու, բացահայտելու իր ներուժը և ապրելու ավելի լիարժեք և գիտակից կյանքով։